വെളുത്ത മനുഷ്യരായിട്ട് ആരുമില്ല. പാല്പോലെ കടലാസുപോലെ വെളുപ്പ് ആർക്കെങ്കിലുമുണ്ടോ. അപ്പോൾ തൊലിയുടെ വെളുപ്പ് എന്നത് സാങ്കൽപ്പികം മാത്രമാണ്. എന്നാൽ കറുത്ത മനുഷ്യരുണ്ട്. കറുപ്പിന്റെ യഥാർത്ഥ അർത്ഥത്തിൽ തന്നെ. എന്നിട്ടും നോക്കൂ നമ്മുടെ സംസാരത്തിൽ, എഴുത്തിൽ , കാഴ്ചയിൽ കറുപ്പ് തിന്മയുടെ അനീതിയുടെ അക്രമത്തിന്റെ അശാന്തിയുടെ നിറമാണ് . എന്തുകൊണ്ട് ? ഇതുകൊണ്ടു പല കാലങ്ങളിൽ പല മനുഷ്യർ എത്രയെറെ വേദനിച്ചിട്ടുണ്ടാവും. ഇനിയെങ്കിലും മാറണം . മേൽ പറഞ്ഞവയെ പ്രധിനിധീ കരിക്കാൻ പുതിയ നിറം കണ്ടെത്തണം. വെറുതെ കിടക്കുന്ന ഒരുപാട് നിറങ്ങളുണ്ടല്ലോ. കാട്ടുകടന്നാൽ വയലറ്റ് നിർദ്ദേശിക്കുന്നു. മലയാളികൾക്ക് അറിയാവുന്ന നിറങ്ങൾക്കെല്ലാം മറ്റു പ്രാധിനിത്യങ്ങളുണ്ട് അതുകൊണ്ടാണ് വയലറ്റ് തെരഞ്ഞെടുത്തത്.